من أنا

Egypt
من يوم ما اتولدت وانا عايزه اكون دكتوره علشان احقق حلمى عدت على مراحل كتيييييييييييير كل المراحل دى كوم والكليه الجميله دى كوم

الأربعاء، 17 نوفمبر 2010

ربنا كرمنى وبقيت فى سنه خامسه طب
 الحمد لله هانت كلها سنه وتبقى دكتوره
بس بجد دى من اصعب السنين الى مرت على فى حياتى الدراسيه
فى كل حاجه ....فى كل حاجه
فى البيت كمان  كانت سنه صعبه جداااااااااااااا
حتى المدينه الجامعيه الى بتلمنا
حتى التاكسيات هى كمان عملتها معاى ... هى مش التاكسيات لاهما سواقين التاكسى علشان اكون دقيقه
فى يوم من ايامى السعيده ...الى هى طبعا رايحه اليت اخد لى يومين
ركبت لوحدى تاكسى من قدام المدينه واذا بالسائق
اتعدل لى كده وعامل يظبط فى المرايه
بصراحه انا معروفه الحمد لله بدماغى العاليه
طبعا نفضت له ولا كانى قاعدهفى التاكس
السائق_       ياابله انتى من .........
انا-ايوه
هو-         احسن ناس والله
انا -لا تعليق
هو ياابله انا عايزه اسالك سؤال بس ما تزعليش؟ لا مؤاخذه يعنى؟
انا- (بس فى سرى)ايه البرود ده اخلص      اتفضل
هو-    ليه ياابله البنات المغتربين مش محترمين؟
ممش عارفه هو ليه سالنى السؤال ده 
اشمعنى انا يعنى         بس يبدو انه هو توسم فى انى شخصيه عاقله يمكن
او عرف يدخل لى من فين ويدور حوار (انا لحد دلوقتى مش عارفه)
انا-         بعد صدمه    مش كل البنات وبعدين مش صح السؤال مش البنات المغتربين
الكلمه غلطلان لان الاصل على التربيه
المحترمه هتنبقى محترمه وهى فى بلدها ووسط ناسها او بعيد عنهم والعكس
هو----- اه انا عارف بس اغلبهمبصراحه
انا--------- اتنرفزت بس لقيت ان النقاش معاه مش مهم واكتفيت بالصمت
هو------------ لسه شغال لوك لوك
وبيحكى عن البنات الى مش محترمه وبتركب معاه
انا--------ساكته لغايه ما ربنا يبعت الفرج واوصل
------------------------------
الحمد لله وصلت ياساتر
وانا بادفع الحساب
خلى ياابله
شكرا
لا والله
شكرا
بس انتى يا ابله حلوه كده هاديه وسمحه
يابله خلى بالك على نفسك وخليكى كده ماتتغيريش
ما تبقيش زى البنات الى باقلك عليهم انتى ما شاء الله عليكى باين عليكى كويسه ومحترمه
وفجاه نزلت على الدعوات ربنا يكرمك يارب بابن الحلال ربنا يوفقك
 بيصراحه انا ما كنتش متوقعهانى ممكن اتحط فى موقف زى ده!!!!!!
وبعدين ده خلانى افكر
يعنى علشان انا مغتربه يبقى خلاص ما اراعيش ربنا
وليه الناس ماعندهاش ثقه فى البنات اليومين دول
هلى هما معاهم حق؟؟؟؟